September Thla châta Editorial

Zohna biehneina ry liata ypa ta, thina thlâkhaoh kiah liata aduah thlâh hapa, Marasawzy cha khaihna lâ pua kheipa ta, chhâzaw hrona hnei thei nawpa ta Zehôvâ Khazohpa ta Khaihna Thâtihpha bie cha eima Misawnarizy hmâpa ta, 1907 Thlarâh, 2026 noh ta Mararâh miah a vaw tlô kheipa. Cha Khaihna Thâtipha vaw tlô tawhta tahmâ kô 119 a tloh haw. Misawnarizy ta âmo vaw phaopa Thâtihpha bie cha: pakah ta chhona nata pachuna, ama hrozie nata hmotaona ta chakaona, ama bierei kahthlana nata amâ kaona hro hawhpa zydua cha Marasawzy mopavâna nata hmialâ sie laih nawpa châta Khaihna a vaw châ haw. Cha khaihna cha zohna liata a y chypazy hnohta pakhaihsa pachhuahpa ta, chhâzaw hrona lâpi dopa hmô ei sala, Bei Zisu amâ vaw ngiapâ thei nawpa ta chakaona raihria cha pazao lymâ awpa ta, Khazohpa ta Marasawzy ku liata miah a pahnieh haw.

Atanoh Marapasaw zydua pi ta, ABEIPA rai pahniehpa, chhôhhkha pakhaihsana rai he eima hriapazi thei ma? Eima chheipâh chyhsazy nata hrialâhzy hnohta Khazohpa bie nahta ahmiepa hrozie, hmotaona, chakaona nata bierei kahthlana hawhpazy eima palâsa thei ma? tahpa keimosasyh a mohpasia awpa abyuh haw. Chavâta ABEIPA Zisu ta, “Khizaw khaihpa nama châ... nama khaihna cha chyhsa mohmô ta khaih mawh sy,” (Mat. 5: miah a tahpa hawhta keimo chhao ABEIPA rônahna châta chhôhkha nata chheipâh khizaw a pakhaihsatuhpa châ thei hra awpa ta ahlâ ei sih la,  tiamapa ta hria papua chyu suh vy!

Rev. Satu Ve U