Social Media Aboh kawpa ta Hmâna Dâh

Social Media Aboh kawpa ta Hmâna Dâhocial Media tahpa cha eima viasazy, eima chhôhkhazy, rai eima hrialâh nahzy, eima khitlâhzy nahta azaokhi thai awpata taopa tlâsâh (platform) hawhpa he a châ. Pamosana ta Facebook, X, LinkedIn, YouTube, Instagram, TikTok, WhatsApp, Telegram, Signal, hpz.

Tahmâ chhâ liata Social Media he eima nohto hro liata y leipa ta châ thai leipa sâkha a vaw châ haw. Anodeikua eima Pôhpa Chânakyh (Personal Information) abohna châta nata Saibâh (Cyber) abohna châta Social Media he avai thai kawpa ta hmâ awpa he a peimawh ngaita kaw. Nâma account nata Pôhpa Chânakyh pabohsa nawpa châta Tao awpazy nata Taolei awpazy cha ary liata palâsapa a châ.

✓ Tao awpazy

🔐 Bieruchâ (Password) thatlôpa hmâh teh

Bieruchâ liata hawrawhpi, hawrawta, nuhby nata ngiana zy kha pahlao la hmâh mah y. Account nanochâzy châta bieruchâ nanozy hmâh mah y.

🛡️ Two-Factor Authentication (2FA) Pahy teh

Account nâ ngia tita phone tlyma, Authenticator App tawhta code tlyma a vaw hiapa dâh pahyna chôta account hacked-pa tawh â boh thei.

⚙️ Mopôhkha Paraihnazy (Privacy Settings) kha pasia teh

Na post-zy, hmâthlâzy nata pôhpa chânakyhzy ahyzy he a hmô thei ei tahpa kha pasia la, na viasazy (Friends) deita ama hmô thei nawpa ta soh mah y.

🧠 Thâtih âdopazy kha pasiapanô teh

Thâtih sâkha tlyma, akyh sâkha kha tlyma na hie (Share) hlâta a-ipa thâtih hnawh a châ nata châ leipa a pha kawpa ta pasia tua mah y.

🚨Zochhih leipa account-zy kha leih (Report) la, pakhâ (Block) mah y

Châ pabuatuhpazy tlyma, account pakheipazy tlyma, haihthaipa nata chhorupa account-zy kha leih (Report) la, pakhâ (Block) mah y.

🔴Tao Lei awpazy (Don'ts)

🚫 Nâ pôhkha chânakyhzy kha moto hnohta hie khâ

Na phone number, na pahrâna, na sôh pachôna (bank account) detail-zy, na NRC nuhby hawhpazy he social media tlâsâh (platform) liata soh (post) khah y.

🔗 Na pahno pasia leipa azaokhina (link)zy hmie khah y

“Lucky draw lymâ na hmô” tahpa hawhpa link-zy, zochhih leipa Email tlyma Message liata ahlaopa link-zy kha hmie khah y.

📍Na yna (Live Location) kha hie khâ

Khi na tlyh nota na tlôna su kha, thlai phuah (post) mâh khah y. Na hrona châta thlalôh âchhih lei thei. Na O na tlô tawhta deita post mah y.

👥Na pahno leipa mohropazy tawhta Friend Request-zy kha confirm khah y

Account pakheipa tlyma, achhuahna chhaota châ hniaphapazy ama châ theipa vâta na pahno leipazy tawhta Friend confirm khah y.

💬Ahaomana châ (Hate Speech) roh khah y

Na palôh a chhie tlahmaw nota mohropazy chhiena tlôkhei theipa châzy, ahaomana châzy kha social media liata roh khah y.

Social Media he mâhnei kawpa ta hmâpa cha thâtihzy pahno hluhna nata azaokhina châta pha kaw taraw ta, avaina he sâkhana liata so awpa a châ parei. Achô liata palâsapa zikyurânazy zina chôta na Digital hrona he thlalôh kawpa ta na siekhei thei aw.