Khazohpa chhihthana nata TSD tiama papua kheina vâta atakô, 2026 liata Martin Luther Christian University, Shillong, India tawhta Master of Social Work ei vaw patlô theipa vâta ei ly kaw.
Keima cha Rachel May Khine, Sabyhpi khihpa châ nah ta, tahmâ he Yangon liata khih euma sa. Siku kia chhôh liata châ achuna dei châ leipa ta, ei thlahpa hro nata khitlâh hro achuna chhao ei vaw hnei thei. Chyhsa hluhpi nahta ylâhpa ta zawpizy nahta akaona ei hnei theipa vâta khitlâh hro peimawhzie chhao ei vaw pahnopasia. TSD patohpatiapa TSD chhôhkha sahlaozy thlahchhâna parôkarôzy vâta, Khazohpa nahta akaona hro pahâhzie vaw pahno na ta, rairunazy chhao Khazohpa nahta ei siepahlie thei lymâ.
Ei chupazy hmâpa ta khihtawpa liata hâta eino tlai pachutuhpa châta chakaona ei vaw hneipazy cha, ei hro khihtlyna liata mâ a hneipa a vaw châ haw. Pachutuhpa, siku o nata achuna châta hmodâh âdaih thai leipa khitawpa liata, achuna a pahâh kawpa hawti thokhazy nahta eimâ tyh. Cha nota keima ta âmo ei pachupa dei châ leipa ta, âmo tawhta achuna ei hnei thei hra. He hawhpa chhichâna tawhta keima pahâh kheipa he khitlâh châta kheihta a phahnai thei aw tahpa pachâpazina ei vaw hnei thei haw. Cha hleikhô ta achuna cha a pha chaipa ta sasyh â paduana a châzie chhao ei vaw pahno haw.
Achhâ chaina ta he hawhta rypaohna phapa nâ pietuhpa nata ylâhna chôta nâ deichhypa nama zydua hnohta ei châ ly ngaita kaw ei!
No comments
No comments yet. Be the first to respond.
Post a Comment