Ms. Ngun Kyi Khaing Testimony

     Keima cha Ngun Kyi Khaing châ na ta, Lialaipi khihpa ei châ  TSD ta  deichhy haipa ASE mebâh pakha châ na ta, 2025 July thla liata BSc. (Botany) ta Union Christian College tawhta ABEIPA baona vâta ei vaw pa tlô thei.

Ms. Ngun Kyi Khaing

    Covid-19 nata râh riarina vâta achuna ei vaw pazao thei khao leina daiti liata, TSD patohpatiapa ASE mebâh châna tovyuh ei vaw to theipa vâta thata ei ly kaw. 

    ASE pakha ei vaw châna heta Thaisona ei chu hleikhô ta, vaih kyhpachâna hro liata thata ei laisei viapa â pahno na ta  ei ly hmeiseih. TSD ASE Mebâh ei vaw châ vei khiah, hmialâ ei sie nawpa nâtâ ei duahmo awpa, kheihta a châ aw tahpa chhao pahno thai va na. Ei hnabeiseihna rai vaw y khao vei. Tahmâ deikua Abeipa ngiachhiena nata TSD deichhy na vâta achuna vaw patlô thei haw na ta, eily kaw. 

    Hy Marasaw zydua  saih u, achuna liata hmaohkha laiseih khoh  sih la, tha â patlô rairie chyu suh vy. Ei châ ly kaw ei.