Kyhpachâ Krista Awnanopa Marasawzy lâta châ paphaopa ei 2na

Hlazy 2:8 – Khizaw châta Thlachhâ suh vy! 

Thlahchhâna cha ABEIPA Zisu taozie a châ. 

Thlahchhâ awpa he BEI ZISU pachuna a châ. 

Thlahchhâna cha Khazohpa nahta akaona a châ. 

Thlahchhâna cha Khazohpa hmotaotheina hruana a châ. 

ABEIPA Zisu ta a vâ liata Khazohpa khohpa ama taopa hawhta alei liata Khazohpa khohpa tao awpa ta thlahchhâ awpa ta miah a pachu. Avâ liata ABEIPA Zisu angiapâtuhpazy deita ama ypa hawhta alei liata Zisu angiapâtuhpa, chhâzaw hrona sôhpa a hnei hawpa sai ta ABEIPA ZISU avy heihna hâ awpa ta a khona a châ awpa ta ei ngiapâ. 

Mopathaihpa Pawla ta ano chhao thlahchhâ tyh ta, thlahchhâna hmotaotheina a pahnopasiana duahmo tawhta “Thlahchhâna kyh liata Thlahchhâ lylia u la” tahpa châ miah a paphao. 

ABEIPA Zisu he atakô a vy mawh sala, Marasawzy he sei phapa nata ngâchhihpa liata miah a pahlao aw vâ ma? Atahmâ khizaw liata Zisu Krista angiapâtuhpa maluh he – 33% châ ta, Krizyhpa hluhpi Krizyh leipa lâta ama pangai hôlô. 

Africa râhkawhpi liata Krizyhpa maluh-50% 

Antarctica râhkawhpi liata Krizyhpa maluh- (maluh reina y vei) 

Asia râhkawhpi liata Krizyhpa maluh- 8% 3 

Australia râhkawpi liata Krizyhpa maluh-60% 

Europe râhkawpi liata Krizyhpa maluh-60% 

North America râhkawpi liata Krizyhpa maluh-70% 

South America râhkawpi liata Krizyhpa maluh-90% 

Hâta ei kha liata noh sari hnei pih ta, Hriatuanoh tawhta Abeipanoh taih, noh kha ta râhkawpi sâkha châta ABEIPA Zisu phei thaby eima tlôna taihta thlahchhâ lymâ suh vy! Zisu angiapâ chiehpa zydua thina taihta ngâchhihpa ta amâ ngiapa thei nawpa, nata angiapâ mâh leipazy amâ ngiapâ thei nawpa ta, noh kha ta minute sâ sari chhâ thlahchhâ sih la, Mararâh liata Khizaw Thlahchhâna Opi (KTO) sa awpa ta Marapa odyh dyh kha ta a chyh chai ta, leiraotlo (brick) tlo sari thyu thei hra awpa ta ei cha hrua ei. Leirao tlo tlokha ta Ks 1,200/- châ ta, aly kawpa ta vaw sa hra mah  y. 

Hro chhôh, tlâh chhôh, chhôhkha tawhta pathaopa ta Khizaw châta thlahchhâ lymâ suh vy!

Rev. Mai Ki (Executive Director, TSD)