 |
| Mr. L Robert |
Keima moh cha L Robert châ ta, Lialaipipa ei châ. Martin Luther Christian University (MLCU), Shillong liata Bachelor of Business Administration (BBA) cha 2022 - 2025 liata hlaotlohpa ta ei vaw chu patlô. TSD liata ASE mebâh ei vaw châ theipa he ei ly hmeiseih. Covid - 19 vâta ei chunazy raokei ha ta, achu pazao thei awpa hnabeiseihna rai a y khaoleina daihti liata, TSD tawhta deichhyna (scholarship) vâta ei chuna pazao heih thei awpa a vaw châpa he, ei hrona pathlaina nata hnabeiseihna pahro pathina a vaw châ haw. He TSD deichhyna y vei mawh sala, ei hrona he â nano kaw aw ta, hmialâ ei duahmo awpa chhao siano lei kawpa liata a y thlâ ha aw.
He ei hro atyhna heta achuna mâ hneizie eina pahnopasiasa kaw. Achuna he khihsatôtuna châta phahnaina dei châ leipa ta, sasyh alôhna, laiseihna nata âpananona thabypa chhao a châ hra. Ei chuna hro tawhta ei vaw pahnopasiapa cha: Achuna nata aeihrâh viapa ta, achuna liata rairuna daihtizy liata cha, tiama hnolona peimawhzie he a châ. Achuna liata rairuna â tyhpazy lâta thatlôna bie ei rei khohpa cha: “Hmialâ tôh hnolo awpa” he a châ. Achuna ta chyhsa hro panano awpa ta hmotaotheina hnei ta, hmialâ hro pha via lymâna châta biechhawhna liata chhao novâhna a pahneisa.
No comments
No comments yet. Be the first to respond.
Post a Comment